Олунньу 26-27 күннэригэр Нам улууһун оҕо уһуйааннарын иитээччилэрин ортотугар идэҕэ чулууну быһаарар «Бастыҥ иитээччи—2025» куонкурус ыытылынна. Муниципальнай этапка барыта 8 педагог кытынна.
Куонкурус кыттыылаахтара элбэх тургутууну аастылар. Бастаан педагогическай үлэ уопутун көрдөрдүлэр, үөрэтиигэ туттар ньымаларын, көрүҥнэрин билиһиннэрдилэр, идэ сорудахтарын толордулар. Манна сыаналааһын түмүгүнэн лауреаттарынан ааттаннылар: Стручкова Юргитта, 11 №-дээх «Сулусчаан» оҕо уһуйаанын музыкаҕа салайааччыта, Нам с., Тимофеева Калисфира, 6 №-дээх «Кыталык оҕо уһуйаанын иитээччитэ, Нам с., Жиркова Татьяна, 1 №-дээх «Мичийээнэ» оҕо уһуйаанын иитээччитэ, 1 Хомустаах, Сивцева Марина, 2 №-дээх «Улыбка» оҕо уһуйаанын физическэй культураҕа инструктора, 1 Хомустаах, Васильева Лилиана, «Ромашка» оҕо уһуйаанын иитээччитэ, Граф Биэрэгэ.
Салгыы маастар-кылаастары ыытыыга уопуттарын, төрөппүттэргэ семинардары оҥорор үөрүйэхтэрин көрдөрдүлэр уонна идэ тула кэпсэтиигэ кытыннылар. Лауреаттарга «Идэ тула кэпсэтии» ток-шоуну «Бастыҥ иитээччи—2017» өрөспүүбүлүкэтээҕи куонкурус кыайыылааҕа, Бүтүн Россиятааҕы «Бастыҥ иитээччи-2017» куонкуруска «Оҕолор биһирэбиллэрэ» анал аат хаһаайына Наталья Спиридонова ыытта.
Ону тэҥэ куонкурус кэтэхтэн түһүмэхтэрэ: «Интернет-портфолио», «Мин-педагогпун» бэйэни билиһиннэрии уонна «Мин ситиһиилээх бырайыагым» эмиэ учуоттанна.
Тиһэҕэр «Бастыҥ иитээччи-2025» куонкурус бары түһүмэхтэрин көрүү, сыаналааһын түмүгэ тахсан, анал ааттар иҥэрилиннилэр:
-«Бастыҥ педагогическай булумньу» — Попова Любовь, 2 №-дээх «Сандаара» оҕо уһуйаанын иитээччитэ, Хатыҥ Арыы;
—«Оҕолор билиниилэрэ» — Иванова Сахая, «Кэскил» оҕо уһуйаанын иитээччитэ, Хатырык;
-«Оҕолор биһирэбиллэрэ» — Никонова Прасковья, 1 №-дээх «Солнышко» оҕо уһуйаанын иитээччитэ, Нам с.;
-«Бастыҥ интернет-ресурс» — Сивцева Марина, 2 №-дээх «Улыбка» оҕо уһуйаанын физическэй культураҕа инструктора, 1 Хомустаах;
-«Ситиһиилээх дебют» — Васильева Лилиана, «Ромашка» оҕо уһуйаанын иитээччитэ, Граф Биэрэгэ;
-3 ст. лауреат — Жиркова Татьяна, 1 №-дээх «Мичийээнэ» оҕо уһуйаанын иитээччитэ, 1 Хомустаах;
-2 ст. лауреат — Стручкова Юргитта, 11 №-дээх «Сулусчаан» оҕо уһуйаанын музыкаҕа салайааччыта, Нам с.
Муниципальнай куонкурус муҥутуур кыайыылааҕынан Нам с. 6 №-дээх «Кыталык» оҕо уһуйаанын иитээччитэ Тимофеева Калисфира ааттанна. Кини бэс ыйыгар Нам улууһун чиэһин көмүскээн, «Бастыҥ иитээччи-2025» өрөспүүбүлүкэтээҕи куонкуруска кыттар быраабы ылла. Ситиһиини баҕарабыт!
Касьян Олесов-Олук