Нам сэлиэнньэтин нэһилиэнньэтигэр федеральнай үлэ күүһүн сүүмэрдээн чинчийэн көрүү буолуоҕа. Сэлиэнньэ «60 лет Победы», «Намская», «Салбанская», А. Пушкин аат. уулусса олохтоохторуттан үлэ туһунан ыйытыы атырдьах ыйын 12-18 күннэригэр буолуоҕа.
Тустаах үлэһиттэр бу күннэргэ кэрийэ сылдьан 61 киһиттэн бүгүҥҥү үлэ, дьарыктаах буолуу хайа хайысхатыгар быһыы-майгы хайдаҕын, үлэтэ суох буолуу ханнык таһымҥа сылдьарын, үлэ булууга туох ыарахаттар, уустуктар баалларын туһунан хоруйу ылыахтара.
Быйыл Саха сирин олохтоохторугар муус устартан бэс ыйыгар диэри ыйытыы оҥоруунан, бэрэбиэркэлээн көрүүнэн, өрөспүүбүлүкэ үрдүнэн дьарыктаах буолуу киһи ахсаана 64,8 % тэҥнэспит. Оттон үлэтэ суох сылдьыы таһыма – 4,9 %. Бу күннэргэ Нам, Ньурба, Өймөкөөн, Горнай, Кэбээйи, улуустарыттан, Жатай, Хатас, Дьокуускай, Мииринэй, Нерюнгри, Ленскэй куораттартан 655 олохтоох ыйытыыларга хоруйдуоҕа, анкета толоруоҕа.
Ленскэй нэһилиэк пресс-киинэ