Нам улууһугар олох-дьаһах коммунальнай хаһаайыстыбаны “Намкоммунтеплоэнерго” АО сүрүннүүр.
2026-2027 оттук сезонугар бэлэмнэнии туһунан тэрилтэ тутаах үлэһиттэриттэн ыйыталастым.
Николай Васильевич Игнатьев, “Намкоммунтеплоэнерго” АО генеральнай директора:
— Быйылгы оттукпут сезонун олохтоммут графигынан, ол эбэтэр балаҕан ыйын 9 күнүттэн саҕалыырга бэлэммит. Тэрилтэбит харчыга хааччахтаах да буоллар, иэс-күүс кыралаан төлөнөн иһэр. Үлэһиттэринэн толору хааччыллан олоробут. Специалистар уопуттаах, эрэллээх, үлэһит дьон, онон барыы-кэлии суох. Бэлэммит улуус үрдүнэн 90% буолар, өрүс нөҥүө сытар нэһилиэктэр Арбын, Көбөкөн, Фрунзе, Найахы оттукка 100% бэлэмнэр.
Евтропий Алексеевич Тихонов, кылаабынай инженер:
— 2 Хомустаах саҥа котельнайыгар “гидрострелка котла” турда. Нам иһигэр РСХБ кэннигэр, Октябрьскай уул. 45 ититиитин, уутун турбатын өрө таһааран саҥаттан тардан оҥорон биэрдилэр. Арбыҥҥа «Новая школа», «Квартальная” котельнайдарын ититиитин ситимин уларыттылар, балансировочнай клапаннары туруордулар, онон итии барыта биир тэҥник барыаҕа. Уус Алдаҥҥа Найахы бөһүөлэгин ититиитин ситимин өрөмүөнэ барда.
Артур Артурович Иванов, техническэй сайдыы отделын начальнига:
— Прибордар сыллааҕы бэрэбиэркэни аастылар, установка үлэтэ бара турар, балансировочнай клапаннар турдулар. Котельнайдарга автоматизация барбыта, ол прибордар сөпкө үлэлии туралларын бэрэбиэркэтэ барар.
Андрей Витальевич Канин, аварийнай-диспетчерскэй сулууспа начальнига:
— Намҥа 3 квартальнай котельнай стойкатын насоснайтан Октябрьскай уул. 47 үрдэтии, Үөдэйгэ саҥа оскуола котельнайын турбатын көннөрүү, эбии носуос подпитка туруоруу, Намҥа Чернышевскай уул. 33 киириитэ оҥоһулунна. ЦРБ котельнайыттан оцинковкалааһын Пушкин уулусса. Намҥа ЦРБ котельнайыттан эргэ теплотрассаны хомуйдулар.
Намҥа КСК котельнайыттан Монастырева аат. 10/1 уулусса теплотрассатын перехода, Намҥа СХТ музыкальнай оскуола, Прокуратура тымныы уутун, Хамаҕатта Квартальнай котельнайыгар хочуолу өрөмүөннээтилэр. Намҥа 4 квартальнай НСШ 2 хвс киириитин, Даадар котельнайын 25 м3 емкоһын уларытыы өрөмүөннэрэ бардылар, Намҥа Туллукка саҥа носуос турда.
Бу курдук олус элбэх үлэ оҥоһулунна. Өссө да итэҕэһи-быһаҕаһы көрөн оҥоро сылдьабыт, оттук сезонугар толору бэлэм буолабыт.
Прокопий Прокопьевич Пестряков газовой хаһаайыстыба начальнига:
— Сайаапка бэрилиннэҕинэ “Сахатранснефтегаз» АО Намын учаастагын специалистара счетчиктары пломбалыыллар, акталыыллар показаниетын усталлар, көрөн-истэн баран, барыта ирдэбилгэ эппиэттиир буоллаҕына запуск барыахтаах. Бу үлэлэр бары оҥоһулла сылдьаллар. Хочуолунайдар ис-тас кырааскаларын, испиэскэлэрин үлэлэрэ бара турар. Огнетушителлэри, саппаас ааннары көрүү, уот проводкаларын бэрэбиэркэтэ барда, уу кутуллар иһиттэр толоруллан эрэллэр. Бу барыта кыһын устата баһаартан куттала суох үлэлииргэ туһаайыллар үлэлэр. Сылын аайы үлэһиттэрбит гаас үлэтигэр допуск экзамен туттараллар, ону тутан саҕалаатыбыт.
Семен Семенович Турантаев, “Ыраас УУ” станциятын начальнига:
— Ыраас ууну кутар иһиттэр ыраастанан бары сууйуллан тураллар. Ууну ыраастыыр реагеннар атыылаһыллан бэлэмнэр. Үлэһиттэр миэстэлэригэр бары бааллар.
Сергей Григорьевич Кокарев, профсоюз бэрэссэдээтэлэ:
— Биһиги дьоммут сөпкө сынньанан-эмтэнэн, доруобуйаларын көрүнэллэрин туһугар элбэх үлэ барар. Санаторнай-курортнай эмтэнии, биир күннээх хамнастарын төлөөн туран диспанцеризацияны бараллар, 15 сыл ыстаастаах үлэһиккэ “Ветеран производства” иҥэриллэн, 3 күн уоппускаҕа эбии төлөнөр күннээхтэр.
Биһиги билигин Бердск куоракка баар санаторий “Сибиряк” администрациятын кытта чэпчэтиилээх дуогабар түһэрсибиппит. Үлэһиттэрбит санаторнай-курортнай путевкаларын 50% (аҥаарын) төлүүллэр, аҥаарын профсоюз төлүүр. Онон бу улахан чэпчэтии. Быйыл 20 киһи баран эмтэнэн-сынньанан кэллэ. Бары олус астынан, эмтэммиттэрэ туһалаан, сири-дойдуну көрөн үөрэн, сынньанан кэллилэр.
Бу «Сибиряк» санаторий тулата барыта ойуур, чуумпу, наһаа кыраһыабай сиргэ турар, манна быраастара бары олус кыһамньылаах специалистар, эмтэнэр процедура арааһа элбэх, Программанан эмтэниэххэ сөп, ол көдьүүһэ өссө ордук.
Күҥҥэ үстэ фуршет остуолга ас арааһын аһаталлар, оттуллар бассейн, өссө эбии араас аралдьытар мероприятие бөҕө буолар. Онон тэрилтэбит үлэһиттэрин доруобуйаларыгар администрация, профсоюз кыһамньылаахтык сыһыаннаһар, өйдүүр, өйүүр.
Бу курдук, “Намкоммунтеплоэнерго” АО специалистарын кытта кэпсэтэн тэрилтэбит оттук сезонун бириэмэтигэр ититиини ыытарга кыһаллан, бары күүстээх үлэ үөһүгэр сылдьаллар.
Светлана Попова-Дайаана