«Гвозди б делать из этих людей:
Крепче б не было в мире гвоздей!» Николай Тихонов «Баллада о гвоздях».
Нам улууһун Хамаҕатта нэһилиэгин «Ытык киһитэ», Гражданскай килбиэн бэлиэлээх, СӨ норуотун хаһаайыстыбатын үтүөлээх үлэһитэ, СӨ «Ытык Аҕата» бэлиэлээх, СӨ Бочуоттаах бэтэрээнэ Захаров Николай Дмитриевич кулун тутар 15 күнүгэр 80 сааһын туолар.
Захаров Николай Дмитриевич:
«Олоҕу тупсарар, көннөрөр өйдөөх-санаалаах ыччат, орто да саастаах көлүөнэ баарын СВО (анал байыаннай операция) көрдөрөр. Биһиги ыччаппытыгар патриотизм диэн өйдөбүл кураанах тыас буолбатаҕын, олохторун толук да уран дойдуларын көмүскүү инники кирбиигэ киирэллэрин күннэтэ көрөбүт, билсэбит. 12 саха буойуннарыгар Россия Геройун үрдүк аата иҥэрилиннэ, бары кэриэтэ уордьанынан, мэтээлинэн бэлиэтэннилэр. Аҕа дойду Улуу сэриитигэр дойдубут көҥүлүн турууласпыт ытык дьоммут ааттарын чиэстээхтик бигэргэттилэр. Ол аата биһиги, сааһырбыт көлүөнэҕэ, эрэллээх солбук баар буоларыгар саарбахтаабаппын!».
Итинник санныгар 80 сыл хаарын уулларбыт ытык киһибитин Захаров Николай Дмитриевиһы кэрэ-бэлиэ күнүнэн эҕэрдэлээн туран, өссө да өр кэмҥэ биһигини кытта сылдьан олоҕун баай уопутун үллэстэ сырыттын, чэгиэн доруобуйаны, сайдам санааны баҕарабыт.
Владислав КАСЬЯНОВ,
суруналыыс