Атырдьах ыйыгар хас биирдии төрөппүт оҕотун оскуолаҕа тэрийээри түбүгүрүөҕэ. Онон сибээстээн элбэх оҕолоох дьиэ кэргэттэргэ оскуолаҕа тэринэргэ туох көмө оҥоһулларын туһунан Намнааҕы социальнай харалта управлениетын начальнигын э.т. Наталья Шадринаны кытта кэпсэттибит.
Наталья Шадрина, Намнааҕы социальнай харалта управлениетын начальнигын э.т.:
“Элбэх оҕолоох, кыра дохуоттаах ыалларга сыллата оскуола таҥаһын ыларга биир кээмэйдээх төлөбүр оҥоһуллар. Төлөбүрү e-yakutia.ru порталга уонна «Мои документы» кииҥҥэ оҥотторуохха сөп. Биир кээмэйдээх төлөбүр суумата 4806 солк. тэҥнэһэр. Атырдьах ыйыгар сайабылыанньа туттардахтарына, төлөбүр балаҕан ыйыгар түһүөн сөп. Төлөбүрү ыларга оҕо оскуолаҕа үөрэнэрин туһунан ыспыраапка наада.
1 сыллаах дохуоту көрөллөр. Атырдьах ыйыгар туттарар буоллахтарына, 2025 сыл атырдьах ыйын 1 күнүттэн 2026 сыл от ыйын 31 күнүгэр диэри дохуоту көрүөхтэрэ.”
Дарина Константинова