Е.М. Ларионов аатынан Салбаҥ оскуола-саадын кырачаан иитиллээччилэрэ бэйэлэрэ үүннэрбит клубникаларын амсайан саҕалаатылар.
Ааспыт күһүн оскуола-саад сэбиэдиссэйэ Анастасия Макаровна, харабылынан үлэлээбит Полина Иннокентьевна дьиэлэриттэн клубника түөрэн, уһуйааҥҥа аҕалан улахан иһиккэ олордубуттара, сэтинньигэ диэри астаммыт.
Үс күн буола-буола оҕолор биирдии пиаланы амсайбыттар. Онтон клубникалара икки ый утуйан баран, олунньуттан ас кутан барбыт.
Иитээччи көмөлөһөөччүтэ Алёна Реворьевна дьаһалынан оҕолор клубникаларга бэйэлэрэ уу куталлар, бүөбэйдииллэр.
Оскуола-саад быйыл саҥа мини-теплица ылан, дьэдьэн, клубника, помидор арассаадаларын олордубуттар.
Оҕуруотчут оҕолор үүнээйилэри бэйэлэрэ көрөр-истэр буоланнар, кистэлэҥин билсэллэр, битэмииннээх аһы аһыыллар.
Татьяна Касьянова