Түбэҕэ Мария Егоровна Охлопкова аатынан орто оскуола 2024-2025 үөрэх дьылын түмүктүүр “Ситиһии кынаттанан» тэрээһин ньиргийэн ааста.
Буоларын курдук, сыл туйгун, үчүгэй үөрэнээччилэрин үрдүк сыанаҕа ыҥыран чиэстээтилэр. Ол курдук, 3 туйгун, 19 үчүгэй үөрэнээччилээх үөрэх дьыла түмүктэннэ. Маны таһынан бастыҥтан бастыҥнар ааттаннылар.
«Сыл бастыҥ кыраайы үөрэтээччилэрэ» — Ганя Дьяконов, Ян Федоров (11 кыл.), Нам улууһун дирин историятын, кыраайы үөрэппит, үйэтиппит краевед Тарас Прокопьевич Никонов дьиэ кэргэнин бириэмийэтэ;
“Сыл бастыҥ ааҕааччыта”- Ким Попов (4 кыл), М.Е. Охлопкова аатынан Түбэ орто оскуолатын библиотекара Марита Афанасьевна Сивцева анал бирииһэ;
“Сыл бастыҥ библиотекаҕа сылдьааччыта” – Уруйдаана Соловьева (10 кыл), олохтоох модельнай библиотека сэбиэдиссэйэ Полина Алексеевна Шестакова анал бирииһэ;
“Сыл бастыҥ көхтөөх кыттааччыта” – Каролина Попова (9 кыл), СӨ тутуутун үтүөлээх үлэһитэ, республика тыатын хаһаайыстыбатын бэтэрээнэ Евдокия Николаевна Васильева дьиэ кэргэнин бириэмийэтэ;
“Оскуола эрэлэ” алын кылаастарга — Айысхан Сивцев (4 кыл), Түбэ оскуолатын сэбиэдиссэйэ, педагогическай үлэ ветерана, Нам улууһун Ытык киһитэ Анастасия Егоровна Турнина дьиэ кэргэнин анал бириэмийэтэ;
“Оскуола эрэлэ” улахан кылаастарга — Ильдар Бубякин (8 кыл), Мария Егоровна Охлопкова оҕолорун бириэмийэтэ;
“Сыл бастыҥ үөрэнээччитэ” алын кылаастарга — Алтынай Дьяконова (3 кыл), алын сүһүөх кылаас учууталларын “Ситим” методическай холбоһук анал бирииһэ;
“Сыл бастыҥ спортсмена” — Анджелина Федорова (10 кыл), СӨ үөрэҕириитин туйгуна Петр Петрович Попов дьиэ кэргэнин бириэмийэтэ;
“Сыл бастыҥ көхтөөх кыттааччыта” — Талбан Григорьев (9 кыл), СӨ ОДьКХ-тын бочуоттаах үлэһитин, «Почетный член союза охотников и рыболовов РС(Я)» бэлиэ хаһаайынын, Нам улууһун «Ытык киhитин” Никонов Анатолий Саввич дьиэ кэргэнин бириэмийэтэ;
“Сыл бастыҥ филолога” — Айталы Дьяконова (5 кыл), “Гуманитарный цикл” методическай холбоһугун анал бирииһэ;
“Сыл бастыҥ талаана” — Ким Попов (4 кыл), СӨ анал үөрэхтээһинин туйгуна, СӨ Президенин гранын хаһаайката, Степан Гоголев аатынан Дьокуускайдааҕы педагогическай колледж преподавателэ Надежда Викторовна Дмитриева анал бириэмийэтэ;
“Лучший по естественно-математическим наукам” — Савва Новиков (8 кыл), “Естественно-математический цикл” методическай холбоһугун анал бирииһэ;
“Лучший по естественным наукам” — Сайыына Федорова (9 кыл), Россия наукаларын академиятын Сибиирдээҕи салаатын Николай Васильевич Черскэй аатынан Горнай дьыала институтун научнай үлэһитэ, оскуолабыт 1983 сыллаах выпускницата Слепцова Екатерина Семеновна анал бириэмийэтэ;
“Лучший по техническим наукам ” — Сивцев Артем Сивцев (7 кыл), “Технический цикл” методическай холбоһугун анал бирииһэ;
“Сыл бастыҥ фольклорнай бөлөҕө” — 5, 6 кыластар, өрөспүүбүлүкэ быыһыыр сулууспатын Намнааҕы пуоһун анал бирииһэ;
“Сыл бастыҥ ырыаһыттара” — 4-с кылаас уолаттара, музыка ууутала Сардана Дмитриевна Харитонова анал бирииһэ;
“Сыл бастыҥ театральнай бөлөҕө” – Лидия Николаевна, Туйаара Алексеевна оҕолоро, Түбэ оскуолатын сэбиэдиссэйэ, педагогическай үлэ ветерана, Нам улууһун Ытык киһитэ Анастасия Егоровна Турнина дьиэ кэргэнин анал бириэмийэтэ;
“Сыл бастыҥ үөрэнээччитэ” улахан кылаастарга — Уруйдаана Соловьева (10 кыл), М.Е. Охлопкова аатынан Түбэ орто оскуолатын дириэктэрэ Евдокия Ивановна Шарина анал бирииһэ;
“Сыл бастыҥ кылааһа” алын кылаастарга – 4-с кылаас, төрөппүт комитета, кыра тэрилтэлэр анал бириистэрэ;
“Сыл бастыҥ кылааһа” улахан кылаастарга – 6-с кылаас, төрөппүт комитета, кыра тэрилтэлэр анал бириистэрэ;
“Сыл бастыҥ методическай холбоһуга” – алын сүһүөх кылаас учууталларын “Ситим” методическай холбоһуга, “Естественно-математический цикл” методическай холбоһугун анал бирииһэ;
“Сыл бастыҥ эдэр учуутала” – Дайаана Егоровна Никифорова, “Түбэчээнэ” уһуйаан анал бирииһэ;
“Сыл бастыҥ учуутала” – Алексей Павлович Сивцев, «Түбэ нэһилиэгэ» МТ анал бирииһэ;
“Лучший по патриотическому воспитанию” – Андрей Герасимович Дьяконов, «Түбэ нэһилиэгэ» МТ анал бирииһэ;
“Сыл бастыҥ кылаас салайааччыта” – Ольга Семеновна Куприянова, М.Е. Охлопкова аатынан Түбэ орто оскуолатын анал бирииһэ;
“Сыл бастыҥ көхтөөх дьиэ кэргэнэ” – Туяра Васильевна, Василий Егорович Поповтар, Түбэ орто оскуолатын социальнай педагогическай сулууспатын анал бирииһэ туттарылыннылар.
Саха Өрөспүүбүлүкэтин норуот хаһаайыстыбатын үтүөлээх үлэһитэ, “Гражданскай килбиэн” бэлиэ хаһаайына, нэһилиэкпит наставнига Розалия Егоровна Лукина бэйэтин эҕэрдэтин уонна анал бирииһин 7-с кылаас үөрэнээччилэригэр туттарда.
Тэрээһини түмүктээн оскуола коллектива, учууталларга, төрөппүт түмсүүтүгэр, өрүү биир санаалаах үлэлиир, ахсаабат кыһамньыларын аныыр ытыктыыр попечителлэригэр барҕа махтал тыллары анаата, кыра сэмэй бэлэхтэри туттарда.
Өссө төгүл сыл бастыҥнарын эҕэрдэлиибин, эһиилги үөрэх дьылыгар эбии ситиһиилэр сиэттистиннэр, кыайыылар кэккэлэстиннэр.
Полина Шестакова, Түбэ