Таастаахтан Намҥа барар суол кытыытыгар Дэгийэ алааска «Дүлүҥ тыы — кэрэ миэстэ» диэн сирбит бэлиэтин саҥардан биэрдибит.
Бырайыак ааптара кыраайы үөрэтээччи, тимир уус Герасимов Василий Иванович манна 2019 с. дүлүҥ тыы туруорбута. Тыыны чиргэл тиит маһы хаһан оҥорбута. Кини маннык дүлүҥ тыыны Дэгийэ алаас кытыытыттан булан ылбыта уонна ону үтүгүннэрэн оҥорбутун туруордубут.
Бу биһиги эбэлэри ыраастык тутуохтаахпыт, уута толору буолуохтаах диэн эдэр көлүөнэни үөрэтэр, иитэр соруктаах туруордубут.
Нэһилиэк баһылыга Аргунов Сергей Иванович Василий Герасимовка уонна Ньургун, Екатерина Аргуновтарга бу ытык сирбитин саҥардан тупсарбыттарыгар Махтал суруктары, бэлэхтэри, туттарда, истиҥ, үтүө тылларын анаата.
Аргуновтар дьиэ кэргэттэрэ манна өбүгэлэрэ олорбут сирдэрэ эбит.
Маннык кэрэ миэстэлэр айанньыттар, ыалдьыттар тохтоон сынньанан ааһар сирдэрэ баар буолаллара олус кэрэхсэбиллээх. Тапталлаах Таастаахпытыгар кэрэ миэстэлэри элбэтиэххэ уонна олохтоох дьаһалта маннык бырайыактары төһө кыалларынан өйүөн наадатын этиэх тустаахпыт.
Т. М. Аргунова