Түбэ нэһилиэгин олохтоохторо байыастарга көмөлөһөллөр.
Түбэ нэһилиэгин дьоно-сэргэтэ Саха өрөспүүбүлүкэтин саллааттарын уонна мотуруостарын ийэлэрин комитетын салайааччыта Мария Егоровна Емельянова ыҥырыытын ылынан, муус устар 20 күнүгэр, биир күн иһинэн түргэн үлүгэрдик хамсанан, Кыайыы туһугар, бары биир киһи курдук сомоҕолоһон, 31000 солк. уу харчынан хомуйа оҕустулар.
«ЭР САНАА» эр дьон түмсүүтүн салайааччыта Аскалон Егоров 10-ча куул илими уонна куукуланы хомуйан, Дьокуускай куоракка илдьэн туттарда. Нэһилиэк дьахталларын Сэбиэтин бэрэссэдээтэлэ Ольга Куприянова хомуллубут харчынан 15 куукуланы эбии атыылаһан Мария Емельяноваҕа тириэртэ.
Бу курдук уолаттарбытыгар төһө кыайарбытынан күүс-көмө буола туруоххайыҥ, эйэлээх олоҕу түстүөххэ.
Полина Шестакова, Түбэ