2022 сыллаахха алтынньы 29 күнүгэр Нам улууһун ытыктабыллаах киһитэ, убаастабыллаах Егор Михайлович Ларионов биһиги ретро-музейбытын көрөн баран, дьиэҕитин улаатыннараргыт буоллар, көмөлөһүөхпүт диэн барбыта.
Быйыл убайбыт Новгородов Иван Иванович мин эргэ дьиэбин ылаҥҥыт, туттан музейгытын кэҥэтиниҥ диэбитигэр, Егор Михайлович эппитин санаан, сөбүлэһэн 7х8-таах музей дьиэтин тутан таһаардыбыт.
Быйыл улахан үлэлэрин бүтэрэн баран тохтуубут. 2026 сылга газ киллэриитэ ис-тас эпсиэйэ хаалар. Музей кыһыннары-сайыннары үлэлиир гына оҥоруохпутун баҕарабыт.
Балаҕан ыйын 17 күнүгэр «Иэйии» түмсүү чилиэннэрэ кэлэн дьиэ ис ханапаахытын охсорго коммунистическай субуотунньук оҥорон таһаарыылаахтык, күргүөмнээхтик үлэлээн астынныбыт, дуоһуйдубут. Бу иннинэ атырдьах ыйын 12 күнүгэр «Избери жизнь» диэн ыччат хамсааһынын хамаандата кэлэн дьиэ тас ханапаахытыгар кэлэн көмөлөһөн үөрдэн барбыттара.
Биһиги дьиэ кэргэн көмөлөспүт дьоммутугар улахан махталбытын тиэрдэбит уонна барыларыгар олохторугар дьолу-соргуну, ситиһиилэри баҕарабыт.
Афанасий Ильич Васильев