«Үчүгэйиэн, күһүҥҥү Үрүҥ көмүс хартыына!» — саха поэта Моисей Ефимов хоһуйбут көстүүтүн Хамаҕатта «Тускул» уһуйаан көрүдүөрдэригэр көрүөххэ сөп.
Уһуйааммыт иитиллээччилэрэ бөлөхтөрүнэн быыстапка туруордулар. Оҕолор төрөппүттэрин кытта айылҕа материалларыттан эгэлгэ оҥоһуктарын наардаан, тиэмэлээн, киэргэтэн оҥорбуттар.
Манна көрүөххэ сөп күһүҥҥү бал, ойуулуктарга көмүс күһүн, оҕуруот астара, остуоруйа геройдара уонна да араас дьиктини.
Бары да мындыр, хатыламмат оҥоһуктар.
Махтанабыт: оҕолорбутугар, төрөппүттэрбитигэр, кинилэри салайар иитээччилэргэ.
Маргарита Охлопкова