Башкортостан киин куоратыгар Уфаҕа от ыйын 4-6 күннэригэр lV Трансплант оонньуулар буолбуттар.
Манна диализка сылдьааччылар, бүөр, сүрэх, тыҥа көһөрүүтүн операциятын ааспыт дьон уонна донордар кытталлар.
Хамаҕатта нэһилиэгиттэн Маргарита Охлопкова Саха сирин хамаандатыгар киирэн кытынна уонна сонунун ыытта.
,,Барыта Россия 30 регионуттан 170 спортсмен түмүстэ. Оонньууга сүүрүү, скандхаамыы, теннис, дартс, саахымат, бадминтон, волейбол, баскетбол, футбол, ытыы киирэллэр.
Трансплант оонньууну сүрүн тэрийээччилэринэн ,,Нефро Лига» НКО, Трансплант оонньуу федерацията буолаллар.
Саха сириттэн 7 спортсмен бары көрүҥҥэ кыттыыны ылан 17 мэтээли дойдубутугар аҕаллыбыт.
Мин дартска кыһыл көмүс, донорым скандихаамыыга үрүҥ көмүһү ыллыбыт. Күрэхтэһии Уфа ,,Динамо» спорткомплексыгар буолла».
Трансплант оонньуу сүрүн сыалынан наука, медицина күүһүн, дьону толору көхтөөх олоххо төннөрөр кыаҕын көрдөрүү, өйдөтүү буолар эбит.
Мария Винокурова