СӨ правительствотын 433 №-дээх от ыйын 14 күнүнээҕи 2005 сыллааҕы «Нормы расхода топливно-энергетических ресурсов на выработку тепловой энергии отопительно-производственными котельными в РС(Я)»уурааҕар олоҕуран, Нам оройуонугар оттук сезона ыам ыйын 22 күнүгэр түмүктэнэр.
Николай Васильевич Игнатьев, “Намкоммунтеплоэнерго” АО ген.директора:
-Былырыын кыстыкка үчүгэйдик бэлэмнэнэммит, ирдэбиллээх дьаһаллары ылынан, харчыбытын сөпкө аттаран, уһун кыһыны туоруур чохпутун, дизтопливаны, бензини барытын тиэйэн кэбиһэммит, быйылгы кыстык этэҥҥэ, саахала суох ааста.
Манна миэстэтигэр үлэлиир маастардарбыт сөпкө дьаһанан, үлэһиттэрбит эппиэтинэстээхтик сыһыаннаһаннар барыта этэҥҥэ түмүктэннэ.
Пестряков Прокопий Прокопьевич, гаас хаһаайыстыбатын начальнига:
-Барыта 43 гааһынан үлэлиир хочуолунай баар, бары этэҥҥэ үлэлээтилэр. Кыра прибордара алдьаннаҕына, гаас слесардара тутатына туоратан иһэллэр. КИПовец-специалист уолаттарбыт прибордар даннайы сөпкө көрдөрөллөрүн күннэтэ кэтииллэр, көрөллөр. Онон бу хайысха кытаанахтык хонтуруолланар, ирдэнэр. Барыта Нам улууһун үрдүнэн 110 газооператор үлэлиир. Сменаларын кэмигэр бары котеллары, прибордары кэтээн көрөллөр, олус эппиэтинэстээх, ирдэбиллээх үлэ.
Охлопкова Валентина Ивановна, ТЭР начальнига:
-Быйылгы кыстыкка чохпут, дизтопливабыт, бензиммит тиийэн, ыктарбакка, сөптүк тутуннубут. Эһиилги оттук сезонугар кыһыҥҥы суолунан 20 000 тонна чох тиэлиннэ. Көбөкөҥҥө 4070 тн, Арбыҥҥа 2500 тн, Фрунзеҕа 1000 тн, 2 Хомустаахха 5010 тн, Балыктах 7330 тн. Өрүс нөҥүө дэриэбинэлэрбитигэр 14 тн дизтоплива таҕыста. Онон эһиилги кыстыгы туоруур бэлэмнэнии үлэтэ барда.
Дьяконов Николай Ильич, автохаһаайыстыба салайааччыта:
— Автохаһаайыстыбаҕа уопсайа 17 суоппар, 1 тырахтарыыс, 1 гараж сэбиэдиссэйэ, 1 диспетчер, 1 гараж хомуйааччы үлэлииллэр. Барыта 16 анал массыына сүүрэр, саахал буолбатын диэн, ыраас иһэр ууну, туттар ууну, кирдээх ууну таһаллар.
Оттук сезонун этэҥҥэ техникаларбыт улаханнык алдьаммакка-кээһэммэккэ, дьоммут уларыйбакка бары тигинэччи үлэлии сылдьабыт. Уолаттар сайын уочараттаһан уоппускаҕа барыахтара.
Светлана Попова — Дайаана
.