Намнааҕы педагогическай колледж «Айылҕан» үҥкүү коллектива Казань куораттан дьоһун ситиһиилээх кэллэ.
Кулун тутар бүтүүтэ Казань куоракка «Высшая Лига. Перезагрузка» диэн норуоттар икки ардыларынааҕы хореография бырайыага буолан ааста. Бүтүн дойдуттан барыта 57 коллектив тиийэн, бастыҥ аат иһин үҥкүү киэнэ эриэккэһин толордулар.
Устудьуоннар «Айылҕан» үҥкүү коллектива сүүмэрдиир түһүмэҕи ааһан, түмүктүүр гала-кэнсиэргэ киирэр кыахҕы ылан, үтүөлээх уонна норуот коллективтарын кытта тэҥҥэ сыаналанна.
Икки түһүмэх түмүгүнэн, Намнааҕы педагогическай колледж «Айылҕан» үҥкүү коллектива аҕыс бастыҥ иһигэр киирдэ. Итиэннэ I ист. лауреат дипломнаах, «За популяризацию и сохранение народных традиций» номинациялаах кэллэ.
Бу дьоһун ситиһии үҥкүү коллектива салгыы сайдарыгар-үүнэригэр олук уран, чаҕылхай кыайыыларга сирдииригэр саарбахтаабаппыт.
Бэйэ информ.