Киров куоракка ыытыллыбыт «Студент года» Россия национальнай бириэмийэтин финала И.Е. Винокуров аат. Намнааҕы педагогическай колледж «Дьулус» патриотическай кулуубун «Патриотическое объединение года» номинацияҕа кыайыытынан түмүктэннэ.
Маны тэҥэ «Эҥсиэли» спортивнай кулууп «Спортивный клуб года» номинацияҕа лауреат ааттанна.
Биэс күн устата устудьуоннар куонкурус 12 номинациятыгар тургутууну аастылар. Саха сирин аатын 8 номинацияҕа 17 устудьуон көмүскээтэ. Манна үһүгэр Намнааҕы педагогическай колледж устудьуоннара кытыннылар. Кинилэргэ наставниктара, преподавателлэрэ Эверстов Юрий Афанасьевич уонна Жигальцова Анастасия Валерьевна улахан өйөбүлү, көмөнү оҥордулар.
Бу туһунан колледж телеграм ханаала суруйда:
«Хамаандабытын суолталаах кыайыытынан эҕэрдэлиибит, ситиһиигитинэн киэн туттабыт! » — диэн үөрүүлэрин үллэһиннилэр.
«Эҥсиэли» хаһыат