Нам сэлиэнньэтигэр “Алтан” атыы-эргиэн киинигэр хаар оҥоһуктан бэрт кыһамньылаахтык чочуллан оҥоһуллубут сыл бэлиэлэрэ турар буолбуттара үтүө үгэскэ кубулуйда.
Кэлин дьон-сэргэ “бу сырыыга хайдах быһыылаах-таһаалаах сыл бэлиэлэрэ оҥоһуллан тахсаллар” диэбиттии күүтэр, таайар.
Сыллата ахсын киһи эрэ сөҕө көрөр бэлиэлэри оҥорооччу маастардар уларыйа сылдьаллар эбит. Холобура, быйылгы Моҕой хаар оҥоһугу нэһилиэнньэ иннигэр Анатолий Дьячковскай оҥорон, ойуулаан, киэргэтэн таһаарбыт.
“Алтан” атыы-эргиэн киинэ Нам дьонугар-сэргэтигэр, ыалдьыттарыгар анаан хаар оҥоһуктары 2018 сылтан саҕалаабыта – Ыт сылыттан. Саҥа дьыллааҕы үөрүү-көтүү үксэтэр, дьон санаатын өрө көтөҕөр туһуттан оҥорбуппут диэн урбаанньыт Саргылана Дьячковская этэр.
📸📹Роман Шапошников
Харысхан Попов