Бюджеттааһыны көҕүлүүр Бүтүн Россиятааҕы куонкуруска Саха сириттэн икки бырайыак бириистээх миэстэҕэ тигистилэр. Бу тэрээһиннэр СӨ үпкэ министиэристибэтин ППМИ программатын чэрчитинэн иккис сылын ыытыллар. Ол курдук, “Общественное партнерство” номинацияҕа Кыайыы утумнааччыларын сүүрүүтүн “Помним ! Гордимся ! Благодарим !” бырайыага кыайыылааҕынан ааттанна. Бу бырайыак бастаан Улуу Кыайыы 80 сылыгар анаммыта уонна 2025 с. ыам ыйын 2-8 күннэригэр куорат кытыытынааҕы нэһилиэктэринэн ыытыллыбыта. Нэдиэлэ устата 2000-тан тахса киһи кыттыбыта. Дьон интэриэһиргээн иккистээн 2026 с. тэрилиннэ. Манна 1000-ттан тахса улахан дьон сүүрбүтэ. Ону сэргэ биир уратытынан 300-чэкэ оҕо сүүрбүтэ буолла.
Иккис биһирэммит бырайыагынан Нам улууһун Е.С. Сивцев-Таллан Бүрэ аатынан орто оскуолатын “Зеленая перемена” сквер буолла. Бу бырайыак “Экологический проект школьного инициативного бюджетирования” номинацияҕа 2-с м. ылла.
“Оскуола үөрэнээччилэрэ бэйэлэрэ бырайыак концепциятын оҥордулар. Сквер оҥоһуллуутугар кулуумбалар, бордюрдар, суоллар дизайнарын толкуйдаан олоххо киллэрдилэр, оскуола сынньанар миэстэтин киэргэтэн, кэҥэтэн толору хааччылларын ситистилэр” – диир оскуола дириэктэрэ Александр Дмитриев.
Бу сквер былырыын 2025 с. аһыллыбыта.
Бюджеттааһыны көҕүлүүр бырайыактар Бүтүн Россиятааҕы куонкурса 2026 с. муус устарыгар саҕаламмыта. Россия 60 регионуттан барыта 1163 сайаапка киирбитэ. Бырайыактарга норуот куоластааһыныгар дойдубут олохтоохторо 206 803 куолаһы биэрдилэр.
Бэйэ информ