Бэҕэһээ, алтынньы 9 күнүгэр, Хатыҥ-Арыы оскуолатыгар сонун күн буолла.
Ол курдук, оҕолорго президент таллыбыт, ол эбэтэр оҕолору салайар, дьаһайар лидер оҕо. Оннук оҕолор биһиги оскуолабытыгар элбэхтэр. Араас санаалаах, оҕолорго саҥаны киллэрэр, ону туруорсар. Бастаан кандидаттары талбыттар, онтон программа сурунуҥ диэбиттэр.
Оскуолаҕа улахан экраҥҥа кандидаттар хаартыскалара, программалара тахсыбыта. Оҕолор, үлэһиттэр бары көрбүттэрэ, билсибиттэрэ.
Түөрт оҕо кандидатурата тахсыбыт этэ. Кинилэр бары онус кылаас үөрэнээччилэрэ: Мартынов Эрсан, Лазарев Саша, Бушуева Лиза, Винокурова Виола. Кинилэр оскуола сайдарын туһугар уонна оҕолорго анаан интэриэһинэй тэрээһиннэри ыытыы, бэтэрээннэргэ көмөлөһүү туһунан былааннаабыттар этэ.
Онтон бэҕэһээ оскуола аактабай саалыгар дьааһык уурбуттара. Үһүс уруок кэнниттэн, уһун переменаҕа, баран куоластаабыппыт. Илиискэ 4 аат баарыттан бииригэр эрэ галочка туруорар эбиккин.
Үөрэнэн бүтэрбит саҕана куоластары аахпыттар этэ. Элбэх куолаһы ылан Эрсан Мартынов кыайыылаах тахсыбыта. Эрсаны кыайыытынан эҕэрдэлиибит уонна ситиһиилэри баҕарабыт!
Нарыйаана Охлопкова, Хатыҥ-Арыы орто оскуолата