П.П. Ядрихинскай-Бэдьээлэ аатынан Намнааҕы Олоҥхо дьиэтигэр кулун тутар 3 күнүгэр “Өбүгэ төрүт үгэһин тарҕатар кыһа” тэрээһин буолан ааспыт. Ол курдук, кулун тутар ый – Дьөһөгөй Айыы ыйа буоларынан биллэр.
Тэрээһин болҕомтото Дьөһөгөй Айыы ыйыгар ананар. Бу күн ыйдааҕы туому Үөдэй култууратын дьиэтин үлэһиттэрэ Геннадий Игнатьев-Айыы Оҕото, Мария Кельциева оҥорбуттар. Бары сиэри-туому тутуһан баран, П.П. Ядрихинскай-Бэдьээлэ “Дьырыбына Дьырылыатта” олоҥхоттон ааҕыы буолбут. Бэлиэтээн эттэххэ, хас ый аайы буолар тэрээһиҥҥэ олоҥхону быһа тардан ааҕар буолуохтара. Ону тэҥэ, кулун тутар ый мааны аһа хайах үрүҥ ас буолар эбит. Бу күн остуолга үрүҥ астары кытта мааныылаах аһынан Анфиса Винокурова ынах арыытыттан, суораттан оҥорбут хайах аһа буолбут.
Аны кэлэр ый – Айыыһыт Хотун ыйа буолуоҕа. Кэлэр ыйдааҕы сиэри-туому Хамаҕатта “Түһүлгэ” норуот айымньытын үлэһиттэрэ ыытыахтара.
??Роман Шапошников
Харысхан Попов