Нам улууһун Арбын нэһилиэгэр быраастар республикатааҕы мобильнай кииннэрин биригээдэтэ, Владимирова Сардана Николаевна салайааччылаах 12 специалист икки күн үлэлээтилэр.
Быраастар биригээдэлэрэ биһиги нэһилиэккэ үһүс сылын кэлэн көрдө.
2024 сылга улахан уу кэлэн улууска хаһан да ууга барбатах дьону аймаабыта. Онтон сылтаан доруобуйаларыгар охсуу ылан дьон туруга мөлтөөбүтэ. Маннык кыһалҕаны көрөн, өйдөөн улууспут салалтата, баһылык Ю.И. Слепцов уонна кылаабынай бырааспыт А.Н. Сергеев кэпсэтэннэр үһүс сылын дьон-сэргэ абыранна. Эдэр специалистар көрөллөрө үчүгэйин, кэпсэтэллэрэ эйэҕэһин. Билиилэрэ-көрүүлэрэ үрдүгүн көрдөрдүлэр.
Дьиэлэриттэн-уоттарыттан тэйэн, араас усулуобуйаҕа үлэлээн, ыраах айаннарга сылдьан үлэлииллэрэ ыараханын аахсыбакка, кырыы нэһилиэктэри кэрийэн, көрөн, сүбэлээн- амалаан, дьон доруобуйатын, туругун тупсара сылдьаллара киһини үөрдэр.
Хас биирдии киһини кыһаллан көрөллөрүттэн, дьон сүргэлэрэ көтөҕүллэн үксүбүт көрдөрдүбүт, махталбыт муӈура суох.
Махтал буоллун — үрүҥ халааттаах аанньалларбытыгар, республикабыт, улууспут салалтатыгар!
Дьон-сэргэ махтала эһиэхэ күүс- көмө буоллун, барыгытыгар үлэҕитигэр ситиһиини, кытаанах доруобуйаны баҕарабыт.
Арбын нэһилиэгин олохтоохторо