В.П. Артамонов аатынан Хамаҕатта саха-француз лицейигэр бэһис сылын «Директорский квиз» диэн оонньуу икки күн устата олус көхтөөхтүк, сэргэхтик ыытылынна.
Оонньуу төрөөбүт дойдубут киэн туттар дьонун, дойду историятын үөрэтиигэ, билиигэ туһаайыллар. Ол курдук, 2021 с. И.Е. Винокуров төрөөбүтэ 125 сылыгар, 2022 с. М.К. Аммосов төрөөбүтэ 125 сылыгар, 2023 с. В.П. Артамонов төрөөбүтэ 75 сылыгар, 2024 с. Е.С. Сивцев — Таллан Бүрэ төрөөбүтэ 115 сылыгар аналлаах оонньуулар буолбуттара.
Онтон быйылгы квиз Улуу Кыайыы 80 сылынан Аҕа дойду сэриитигэр кыттыбыт Герой оҕолорго ананан ыытылынна. Оонньуу уратыта — кылаастар биэстии киһилээх икки хамаанданы туруоран кытталлар: бастакы хамаанда — үөрэнээччилэр, иккис хамаанда — улахан дьон (төрөппүттэр, учууталлар, лицей үлэһиттэрэ).
Квиз түһүмэхтэрэ олус интэриэһинэйдик бардылар. Сорудахтары эппиэттээх учууталлар сонунтан-сонун, атынтан-атын гына бэлэмнээбиттэр. Кылаас оҕолоро эрдэттэн бэриллибит “Герой-пионердар” тиэмэҕэ бэлэмнэммиттэр. Хамаандалар кабинеттан кабинекка тиийэн бириэмэҕэ хаартысканан, хартыынканан геройдары быһааран, түргэн ыйытыкка хоруйдаан, айымньылартан быһа тардыыны таайан, айар үлэ толорон, видео-ыйытыыларга эппиэттээн кииристилэр. Балаһыанньа быһыытынан икки хамаанда ылбыт бааллара эбиллэн, кылаас уопсай түмүгэ таҕыста.
Алын кылаастарга кыайыылааҕынан Екатерина Поротова салайааччылаах 4-с кылаас, орто кылаастарга 6-с кылаас (кыл.сал. Наталья Белолюбская), улахан оҕолорго 9-с кылаас (сал. Алена Аммосова) таҕыстылар.
“Лучшие знатоки” аакка кылаас аайыттан биирдии оҕону уонна төрөппүтү быһаардылар, олор истэригэр киирдилэр:
1 кылаастан — Дмитриев Артем, Петрова Вера Дмитриевна(эбээ);
2-тэн — Большакова Алиса Романовна (төрөппүт);
3-тэн — Васильев Спартак, Евсеева Антонина Даниловна (эбээ);
4-тэн — Винокурова Сахаайа, Сунтаров Айаал Юрьевич (төрөппүт);
5-тэн — Винокурова Айлина, Аргунова Мария Афанасьевна (төрөппүт)
6-тан — Дорофеев Богдан, Поисеева Мария Константиновна (эбээ);
7 «а» — Бурнашев Уйгулаан, Леонтьева Анна-Мария Васильевна (учуутал);
7 «б» — Слепцова Дайыына, Семенова Вера Ильинична (төрөппүт);
8 «а» — Широких Айгылаана, Захарова Евдокия Николаевна (төрөппүт);
8 «б» — Александрова Рада, Барашкова Октябрина Сергеевна (төрөппүт);
9 кылаастан — Аммосова Лена, Егорова Анна Ивановна (дублер);
10 «а» — Федорова Кристанна, Корякина Марина Саввична (төрөппүт);
10 «б» — Павлов Ярослав, Петрова Азалия Ивановна (учуутал);
11 «а» — Протопопова Женя, Афанасьева Варвара Михайловна (төрөппүт);
11 «б» Дедюкин Айсен, Кудрин Егор Егорович (төрөппүт).
Маны таһынан бу оонньууга биэс сыл устата ситиһиилэммит кылаас салайааччыларын бэлиэтээтилэр. Ол курдук, Белолюбская Н.А. (2021, 2025), Поротова Е.М. (2022, 2025), Аммосова А.А. (2023, 2024, 2025), Семенова Л.Н. (2021, 2023) ааттаннылар.
Биэс сыл устата элбэхтэ кыттыбыт төрөппүттэринэн Эверстова В.В., Поисеева М.К., Винокурова М.Г., Евсеева А.Д., Протопопова П.Р., лицей үлэһиттэрэ Пухова А.И., Саввинова А.Н. буоллулар.
Юрчана Юрьевна Парникова, лицей дириэктэрэ, оонньууну тэрийээччи:
Квиз бары кыттыылаахтарыгар истиҥник махтанабын! Кыайыы сылыгар кылаастар бары бэлэмнэнэн, бэйэлэрин саастыылаахтарын-герой-пионердары үөрэтн элбэҕи билбиттэр. Кылаас барыта толору састаабынан күүстээх хамаандалары туруоран оонньоотулар. Аҕалар көхтөөхтүк кыттыбыттара олус кэрэхсэбиллээх. Дойдубут историятын, тумус туттар дьоммут олорон ааспыт олохторун, суолталаах үлэлэрин билии-көрүү кэҥээн, дириҥээн истин, Ийэ дойдуга бэриниилээх буолуу үтүө холобурдарыгар үөрэнэн-иитиллэн таҕыстыннар!
М. Винокурова