Олунньу 27 күнүгэр Аппааны сэлиэнньэтин «Чороон» норуот айымньытын киинигэр биллиилээх политическай уонна государственнай деятель И.Е.Винокуров 130 сааһынан, республиканскай комиссиянан тэриллибит республикатааҕы “Здоровье нации-ответственность каждого» форум чэрчитинэн доруобуйа харыстабылын үлэһиттэрэ Хамаҕаттаҕа, Намна, Аппааныга кэлэн прием оҥордулар.
Хатыҥ—Арыы нэһилиэгин олохтоохторо быраастарга сарсыардаттан кэлэн көрдөрдүлэр.
Дьокуускай куораттан «РЦОЗМП» кардиолог бырааһа Айталина Васильевна Быдыгиева, Намнааҕы ЦРБ невролог, офтальмолог, хирург быраастара, фельдшер прием оҥордулар. Маны тэҥэ ФЛГ –га түһүү буолла.
Эбиэккэ диэри үрдүк категориялаах, СӨ Үтүөлээх бырааһа окулист Прокопьева Айталина Макаровна, үрдүк категориялаах медсестра Винокурова Анна Руфовна приемугар 26 киһи сырытта. Хирург Тарскай Афанасий Дмитриевичка -5, Невролог Шестаков Николай Михайловичка -8, ФЛГ га 16 киһи, ЭКГ-14 киһи, кардиологка-10 киһи көрдөрдө.
Быһа холоон бу күн нэһилиэктэн 50-н тахса киһи кэлэн доруобуйатын көрдөрөн, консультация ыллылар. Маннык үтүө бачыым сыллата ыытыллан нэһилиэк олохтоохторо доруобуйаларын көрүнэн сөптөөх профилактическай үлэ ыытыллан, сүбэ-ама ыллылар.
Форум кыттыылаахтарыгар олохтоохтор ааттарыттан махтал тылларын тиэрдэбит.
Надежда Сивцева