?П.П. Ядрихинскай — Бэдьээлэ аатынан Олоҥхо дьиэтигэр Аҕа дойду сэриитигэр Улуу Кыайыы өрөгөйдөөх 80 сылын бэлиэтии «Нам улууһа Кыайыы суолунан» акция буолан ааста.
✉️ Бу тэрээһин бэлиэ түгэнинэн саллаат туос тууйаһыгар инники көлүөнэҕэ анабыл сурук уган Намнааҕы историяны уонна кыраайы үөрэтэр музейга туттарыы буолла. Кэм тууйаһы норуот маастара Татьяна Карамзина «Намыына» туосчуттар түмсүүлэрин кытта тиктилэр. Суругу аны 20 сылынан, Кыайыы 100 сылыгар, кэлэр кэнчээри ыччаппыт арыйыаҕа.
?Бүгүҥҥү «Нам улууһа Кыайыы суолунан» акция чэрчитинэн, П.П. Ядрихинскай — Бэдьээлэ аатынан Олоҥхо дьиэтин тиэргэнигэр ГАУ Якутлесресурс тэрилтэ үлэһиттэрэ Кыайыы 80 сылыгар бэйэлэрэ үүннэрбит 80 бэс мастарын олортулар. Мас олордуута биһиги улууспутугар баһылыгынан үлэлээбит Альберт Ильин бырайыагынан олоххо киирдэ.
Дарина Константинова
Видео Роман Шапошников