Саха Өрөспүүбүлүкэтин Ил Түмэнин уонна тус бэйэм ааппыттан эhигини сандал саас кэрэ бырааhынньыгынан — Аан дойду дьахталларын күнүнэн истиҥник эҕэрдэлиибин!
Эhиги саҥа олоҕу бэлэхтиир, тулабытын сылааhынан, сырдыгынан толорор, кыайыыга кынаттыыр туохха да тэҥнэммэт күндү дьоммут буолаҕыт. Алаhа дьиэни арчылаан, иитэр оҕоҕутун төлкөлөөн, олох-дьаhах араас эйгэтигэр үлэлээн-хамсаан, уопсастыбаннай олоххо көхтөөхтүк кыттан өрөспүүбүлүкэбит, дойдубут сайдыытыгар сүҥкэн кылааккытын киллэрэҕит.
Хайа баҕар норуот инники кэскилэ дьахтартан тутулуктаах. Ийэ оҕотугар бастакы өйү-санааны, үйэлээх сыаннастары саҕар. Эр дьон кэрэ аҥаардарбытын мэлдьи көмүскүү, арыаллыы, харыстыы сылдьыах тустаахпыт.
Куруутун кэрэ көстүүлээх, сырдык санаалаах, инникигэ эрэллээх буолуҥ!
Эhиэхэ уонна чугас дьоҥҥутугар кытаанах доруобуйаны, дьолу, уйгулаах олоҕу, ситиhиини ис сүрэхпиттэн баҕарабын.
А.И. Еремеев, Саха Өрөспүүбүлүкэтин Ил Түмэнин Бэрэссэдээтэлэ