Модут нэһилиэгэр Улуу Кыайыы 80 сылыгар, Аҕа дойдуну көмүскээччилэр күннэрэ чэрчитинэн, олохтоохтор биирдиилээн бастыыр иһин СаДуоБа күрэхтэһиитигэр оонньообуттар.
12 кыттааччы илин-кэлин түсүһэн тыҥааһыннаах киирсии түмүгүнэн, 1-кы миэстэни Ион Ионович, 2-с миэстэни Григорий Никитич, 3-с миэстэни Василий Васильевич үллэстибиттэрин спортинструктор Николай Сандулин иһитиннэрэр.
Күрэхтэһиигэ нэһилиэк Ытык кырдьаҕаһа, убаастабыллаах Иван Петрович Намтан кэлэн кыттыыны ылан күрэхтэһээччилэр үөрүүлэрин үксэппит, санааларын көтөхпүт.
