Алтынньы 24 күнүгэр 2 Хомустаах нэһилиэгэр эр хоһуун суоппар идэлээх уолаттарга аналлаах, Суоппардар күннэрин чэрчитинэн ыытыллыбыт «Эрэллээх эркин — 2026» күрэхтэһиигэ тэрилтэлэртэн уонна түөлбэттэн биирдии суоппар кыттан бэрт тыҥааһыннаахтык күрэхтэстилэр.
I түһүмэх: «Суоппар дьоҕура».
II түһүмэх: «Саанан таба ытыы».
III түһүмэх: «Көлүөһэни төкүнүтүү».
IV түһүмэх: «Билии — күүс».
V түһүмэх: «Көлүөһэни кэтэрдии».
Бу барыта бириэмэҕэ ааҕыллан, күрэх уопсай түмүгэ таҕыста:
1м. — Иннокентий Герасимов, «НКТЭ» 2 Хомустаах ПУ.
2м. — Степан Петров, «Хомус» оҕо уһуйаана.
3м. — Алексей Петухов, «Чагда» түөлбэ.
4м. — Григорий Протопопов, «Сайдам» түөлбэ.
5м. — Петр Семенов, 2 Хомустаах ВА.
Кыттыбыт суоппар уолаттар бары мэтээллэринэн, грамоталарынан, бирииһинэн, сертификатынан уонна «Аартык» ИП туруорбут уопсай минньигэс туордунан наҕараадаланнылар.
Бу күрэххэ бэйэлэрин көмөлөрүн биллэрэн бириис туруорбут ИП «Елена», «Аартык» маҕаһыыннар сал. Попова Е.Л., Местникова Т.С. барҕа махталбытын тириэрдэбит! Инникитин да бу курдук түмсүүлээх буолуоҕуӈ!
Саргылана Попова, 2 Хомустаах.