2011 сылтан, Ил Дархан Е.А. Борисов 626 №-дээх ыйааҕынан, сэтинньи 26 күнэ Идэлээх союзтар күннэринэн биллэриллибитэ. Бу кэмтэн Саха сиригэр идэлээх союзтар күннэрэ сылын ахсын бэлиэтэнэр.
Ол курдук, Нам улууһун үөрэх үлэһиттэрин идэлээх союзтарын председателлэригэр бүгүн, үгэс быһыытынан, бырааһынньыктааҕы семинар- практикум ыытылынна. Бу тэрээһини саҥа анаммыт председатель Надежда Еремеевна Васильева уонна Нам улууһун үөрэх үлэһиттэрин идэлээх союһун Президиума иилээн-саҕалаан ыыттылар.
Председателлэр уонна ыҥырыылаах ыалдьыт, Нам улууһун үөрэхтээһинин начальнигын солбуйааччыта Егор Иннокентьевич Бочонин икки ардыларыгар аһаҕас кэпсэтии ыытылынна, элбэх ыйытыы бэрилиннэ, кыттааччылар сөптөөх хоруйдары ыллылар. Ол кэнниттэн председателлэргэ ураты форматтаах практическай үлэ ыытылынна.
Киһи сэргии көрөрө диэн – ситим быстыбата. Ол курдук, 28 сыл устата Нам улууһун үөрэх үлэһиттэрин идэлээх союһун председателинэн үлэлээбит Александр Гаврильевич Шарапов кэлэн эҕэрдэлээн, саҥа анаммыт председателлэргэ алгыс тылын анаата.
Бу ураты форматтаах семинары председателлэр сэргээтилэр уонна маннык тэрээһиннэр өссө да буола турдуннар диэн санааларын үллэһиннилэр.
Нам улууһун үөрэх үлэһиттэрин идэлээх союһун Президиума