“Берегиня” дьиэ кэргэҥҥэ иитиигэ көмөлөһөр өрөспүүбүлүкэтээҕи киин Намнааҕы салаата оҕону оскуолаҕа тэрийии үгэс буолбут акциятын ыытта.
Улууспут тэрилтэлэрэ, урбаанньыттар, биирдиилээн дьон акцияҕа көхтөөхтүк кытыннылар. Үөрэх тээбириннэрин: канцелярскай табаар, тэтэрээт, харандаас, уруучука, суумка, таҥас-сап туттардылар.
Хомуллубут көмөнү олох араас очурдарыгар оҕустарбыт, ыарахан туруктаах, олохтоох дьиэ кэргэттэр оҕолоругар бүгүҥҥүттэн туттаран саҕалаатылар. Маны тэҥэ, көмөнү СВО кыттыылаахтарын оҕолоро ылыахтара.
Акцияҕа кыттыбыт улуус үөрэҕин управлениетыгар, “Фудмания” кафеҕа (ИП Дмитриева Л.В.), Нам улуустааҕы библиотекатын, Т.К. Ядрихинская аатынан социальнай-геронтологическай киин, ветеринарнай управление, лесничество, “Берегиня” киин коллективтарыгар, Нам сэлиэнньэтин олохтооҕор Жиркова Анна Саввичнаҕа махталбытын биллэрэбит.
Акция үгэскэ кубулуйан оҕолор тустарыгар үгүс тэрилтэни, биирдиилээн олохтоохтору түмэр буолбута кэрэхсэбиллээх. Бу көмөлөрү тутан оҕолор саҥа үөрэх дьылын үөрэ-көтө көрүстүннэр. Болҕомто уҕараабатын, ыаллар, дьиэ кэргэттэр акция көмөтүнэн бөҕө, бигэ туруктаах буоллуннар.
Дарина Константинова