Улан-Удэ куоракка олунньу 15-18 күннэригэр боксаҕа Уһук Илиҥҥэ бастыыр иһин күрэхтэһиигэ улуустааҕы “Олимпик” спорт оскуола иитиллээччилэрэ ситиһиилээхтик кыттыбыттарын дириэктэр Юрий Балаганскай иһитиннэрэр.
Боксаҕа Саха сирин сүүмэрдэммит хамаандатыгар киирэр, Нам улууһун спортсмен кыргыттара Федорова Тома 5-с миэстэ буолбут уонна Аммосова Алина боруонса мэтээллээх кэлбиттэр.
“Олимпик” иитиллээччилэрэ Томалаах Алина үчүгэй боксаны көрдөрбүттэр. Алина Россияҕа бастыыр иһин күрэхтэһиигэ өрөспүүбүлүкэ сүүмэрдэммит хамаандатын резербэтигэр киирэр. Ону тэҥэ, кыыспыт норуоттар икки ардыларынааҕы “Азия оҕолоро” оонньууларга күрэхтэһэрэ былааннанар.
Оҕолорбутугар үчүгэй дьарыгы, спортивнай бэрээдэги тутуһалларыгар баҕарабыт. Иитиллээччилэрбитин уонна тренер Дмитрий Захаровы ситиһиилэринэн эҕэрдэлиибит”, – диир Юрий Сергеевич.
Харысхан Попов