Нам улууһун 1 Хомустааҕар кыра уҥуохтаах оҕус баарын истэн, ЯСИА сайт корреспонденара фермер Николай Колесовка кэлэ сырыттылар.
Биир идэлээхтэрбит суруйалларынан, биэс саастаах Винни-Пух диэн оҕус үрдүгэ 80 см., көҕүһэ кутуругуттан төбөтүгэр диэри 116 см. тэҥнэһэр эбит. Оҕус Уус Алдаҥҥа төрөөбүт, иккис сылыгар улааппатын билэннэр, араас кыылы понины, барааны, козаны, табаны, оселу иитэр Николай Колесовка аймаҕа бэлэхтээбит. Бастакы хаһаайыттара Олоппос диэн ааттабыттар эбит, онтон Николайга кэлбитин кэнниттэн балтыта Таисия Винни-Пух диэн ааттаабыт.
Оҕуһун хаана оонньоон ынахтарга кэйдэриэ, тэпсиллиэ диэн сэрэхэдийэн аттаабыттар. Үөрдэрэ кинини туораппаттар, бииргэ сылдьан мэччийэллэр.
ЯСИА корреспондена Винни-Пух тоҕо кыратын быһаараары Дьокуускайдааҕы тыа хаһаайыстыбатын научнай-чинчийэр институт лабораториятын сотруднигын Иван Алферовы кытары сибээстэспиттэр. Учуонайдар кыра уҥуохттаах оҕуһу интэриэһиргээбиттэр, инникитин чинчийэн көрүүгэ кинилэр көрдөһүүлэринэн пробиркаҕа хаан ылан илдьэн туттарбыттар.
Хаһаайыттар Винни-Пуҕу олуһун сөбүлээн көрөллөр-истэллэр, харыстыыллар эбит. Бу сайын айылҕа дьиктилээбит оҕуһун дьоҥҥо көрдөрөр сыаллаах Дьокуускайга «Үрдэл-парка» мин-зоопаркаҕа илдьэн туруорарга былааннаналлар диэн суруйаллар.
Бэйэ информ.
Хаартыска: Саргын Скрябин/ЯСИА