Нам улууһун киин балыыһатын кылаабынай бырааһа А.Н. Сергеев Салбаҥҥа нэһилиэнньэни кытта көрүстэ.
Нэһилиэнньэ тутаах туруорсуута — бастайааннай биэлсэр кэлэн үлэлиирэ.
Ариан Николаевич Сергеев, улуус кылаабынай бырааһа:
Биэлсэрдэри көрдүүбүт, улуус үрдүнэн, уопсайа, 3 биэлсэр вакансиялаахпыт, бу бүгүн сарсыарда медицинскэй колледжка распределение буолла, онно 2 выпускнигы кэпсэттибит. Билиҥҥитэ ханна ананаллара биллибэт, кинилэр тус санаалара эмиэ учуоттанар. Салбаҥҥа бастайааннай биэлсэр кэлиэр диэри «Суһал көмө» биэлсэрдэрэ командировка быһыытынан нэдиэлэ аайы кэлэн үлэлииллэр. Итиннэ кинилэргэ туох да эбии төлөммөт. Бэйэлэрэ даҕаны патриоттуу санаалаах буоланнар кэлэллэр. Сайыҥҥы өттүгэр биэлсэр көстүбэтэҕинэ, эмиэ кинилэр сылдьыахтара. ФЛГ, стоматолог, быраастар графигынан кэлэн нэһилиэнньэни көрүөхтэрэ. Неврологка, кардиологка учуокка турааччылар босхо рецебинэн туһаналлар, 3-гэр диэри саастаах оҕолорго биэлсэр суруйан биэрэр. ФАП-га аптекалары арыйан үлэлэтэр пилотнай бырайыактаахпыт, онон биэлсэр үлэлээн бардаҕына, аптека эмиэ үлэлиэҕэ. Ньургун Семёнович, Хатырык биэлсэрэ, суол алдьаныан иннинэ кэлэн, эмп атыылаан барар.
Суола, биэлсэрэ суох нэһилиэкпит дьонун болҕомтоҕо ылан үлэлиибит.
Татьяна Касьянова