СӨ Үөрэҕин уонна наукатын министрэ Нюргуна Соколова бүгүн Нам улууһугар үлэлээтэ. Ол туһунан телеграм каналыгар суруйда.
— Модут нэһилиэгэр 150 миэстэлээх саҥа оскуола тутуутун хаамыытын хонтуруоллааһын ыытылынна. Билиҥҥи бэлэм — 85%. Графиктан хаалыы бэлиэтэнэр, онон улуус дьаһалтата, үөрэх управлениета уонна оскуола дириэктэрэ күн аайы хонтуруоллуохтарын наада.
Нам улууһун Граф Биэрэгэр техникум уопсайын уонна «Ромашка» детсад аварийнай-чөлүгэр түһэрэр үлэ түмүгүн көрдүбүт. Быйыл бу эбийиэктэр сааскы халаан уутуттан улаханнык эмсэҕэлээбиттэрэ. Үчүгэй үлэ түмүгэр, алдьаммыт конструкциялары хаачыстыбалаахтык чөлүгэр түһэрдибит. Ону сэргэ, Нам техникум мастарыскыайыгар өрөмүөн үлэтин бэрэбиэркэлээтибит. Билиҥҥи туругунан, эбийиэк 90 %- на оҥоһуллубут.
Хаартыскалар: @sokolovanyurguna
https://t.me/sokolovanyurguna/905