Москва куоракка баар бастакы Президент Михаил Николаев сахалар эмтэнэллэригэр анаабыт «Бэс Чагда» санаторийыгар Кыайыы 80 үбүлүөйдээх сылынан сэрии сылын оҕолоро республика араас улуустарыттан баран сынньана сылдьаллар.
Кинилэр ортолоругар Намтан төрүттээх Мария Николаевна Габышева, Ирина Иннокентьевна Габышева бааллар. Сэбиэскэй кэм иитэн таһаарбыт үлэ ветераннара ханна да буоллун үтүө дьыаланы оҥороллор. Ол курдук, санаторий директора Георгий Трофимовы кытта көрсүһүү тэрийбиттэр, доруобуйаларын көннөрүнэ киирбит АБДь кыттыылаахтарын саха аһа кэһиилээх тиийэн күндүлээбиттэр.
Ону таһынан сэрии сылын оҕолоро кыттыһан сынньанар ыскамыайка сакаастаан оҥотторбуттар уонна санаторийга өйдөбүнньүк суруктаан бэлэхтээбиттэр.
Мария Винокурова