Саҥа дьыллар бүтэһик тэрээһиннэрэ Бартыһааҥҥа олус үчүгэйдик буолан аастылар.
Ветераннар Саҥа дьыллааҕы тэрээһиннэрэ «Хомус» фольклор дьиэтин, ыаллыы Никольскай кулуубун үлэһиттэрэ уонна ветераннара кэлэн сонун сэргэх буолла.
Араас куонкурустар, көрдөөх оонньуулар, маскарад тэрилиннэ. Минньигэс бүлүүдэлэрин көмүскээтилэр, ырыа ыллаатылар. Үөдэй нэһилиэгиттэн баянист кэлэн урукку ырыалары ыллаатылар. Киэһээ хойукка диэри ирэ-хоро кэпсэттилэр.
Иккис уонна бүтэһик тэрилтэлэр икки ардыларыгар үгэскэ кубулуйбут, Россияҕа Норуоттар сомоҕолоһууларын сылынан, күрэх буолла. Тэрилтэлэрбитин ыаллыы 1 Хомустаахтан кэлэн дьүүллээтилэр. Олус кытаанах жюри буолла.
Бииртэн биир үчүгэй үҥкүүлэр, ырыалар ылланнылар. Таҥастара дьэрэкээн. Толору мустубут саала ытыс тыаһынан нуучча норуотун таҥаһын кэппит аҕа баһылыкпыт Алексей Зырянов эҕэрдэлээтэ. Улуус мунньаҕын бэрэссэдээтэлэ Алексей Винокуров кэргэнэ Вероникалыын эҕэрдэлэрин саала ытыс тыаһынан көрүстэ. Саамай улахан наҕарааданы «Культура туйгуна» ааты «Дьүрүл» норуот ансаамбыл салайааччыта,
»Хомус» ДФ үлэһитэ Владимир Колесов ылла.
Биһиги көрдөхпүтүнэ бииртэн биир араас таҥастаах Бразилиялар оскуола хамаандата, уһуйаан Индия буоллулар, спортзал, музей, библиотека, ветучасток уонна Олохтоох дьаһалта нуучча омук буоллулар.
Түмүккэ 1 м оскуола, 2 м уһуйаан, Надежда Аммосова, профсоюз Екатерина Петрова, салайааччы Вера Петрова, профсоюз Галина Маякулова. 3 м сүүмэрдэммит хамаанда, салайааччы Алексей Зырянов, профсоюз Нина Оконешникова.
П. Скрябина