Нам сэлиэнньэтин «Сулусчаан» уһуйааныгар Улуу Кыайыы 80 сылын көрсө араас хабааннаах тэрээһиннэр ыытылыннылар.
Ол курдук, 80 кыттааччылаах оҕолор уонна төрөппүттэр үҥкүүлэрин күрэҕэ бэрт өрө көтөҕүллүүлээхтик ааста, көрөөччүлэр биһирэбиллэрин ылла.
«Ким да умнуллубат, туох да умнуллубат!» күрэххэ хас биирдии бөлөхтөн оҕолор Кыайыыга анаммыт хоһооннору ааҕан иһитиннэрдилэр.
Арассыыйа үрдүнэн ыытыллар «Кыайыы түннүктэрэ», «Өйдөбүл истиэнэтэ. Өлбөт үйэлээх полк» аахсыйаларга уһуйаан оҕолоро, төрөппүттэрэ уонна үлэһиттэрэ көхтөөх кыттыыны ыллылар.
Октябрина Сыроватская, сэбиэдиссэйи иитэр-үөрэтэр үлэҕэ солбуйааччы