Ленинград блокадатын кыттыылааҕа Ядрихинская Татьяна Кондратьевна аатын киэн тутта сүгэр Намнааҕы социальнай-геронтологическай кииҥҥэ Татьяна Кондратьевна аймаҕа, муниципальнай сулууспа туйгуна, бэтэрээнэ Иван Гаврильевич Ядрихинскай ыалдьыттаабыт.
Кини бэлиэ сылынан олохтоохтору эҕэрдэлээбит, мэлдьи көхтөөх буоларга, дойду историятын умнубаттарыгар ыҥырбыт. Итиэннэ Татьяна Кондратьевна туһунан
сырдык өйдөбүлүн ахтан-санаан ааспыт.
П.И. Сивцев аатынан Намнааҕы история уонна этнография музейын литература отделын сэбиэдиссэйэ Анна Семеновна Николаева Т.К. Ядрихинская олоҕун, үлэтин сиһилии кэпсээбит. Кини туһунан документальнай киинэ, интервью көрдөрбүт.
Олохтоохтор хардатын Татьяна Ядрихинская «Кэллим мин соҕотоҕун» диэн хоһоонунан уус-уран туруорууну бэлэмнээн дьон дьүүлүгэр таһаарбыттар.
Бэлиэ күн «Кыайыы алгыстаах оһуохайа» бырайыак аһыллыытынан, кыайыы ырыаларын куонкурсугар бэлэмнэниинэн түмүктэммит.
«Эҥсиэли» хаһыат
NSGCentr ханаалтан