Бартыһааҥҥа «Аҕам саастаахтар декадаларыгар» араас тэрээһиннэр ыытылыннылар.
Нэһилиэк балаҕаныгар олбох тигилиннэ — ветераннар уонна музей салайааччыта Сардаана Харысхал көҕүлээһининэн.
Ветеран учууталларга аналлаах биэчэр ыытылынна. Кинилэр музейы көрдүлэр.
Үөдэй нэһилиэгин музейын баран көрөн сэргэхсийэн кэллилэр. Оскуола музейын салайан үлэлэтэр Лев Яков, Үөдэй музейыгар Алексей Дмитриевичка ыалдьыттаан, харахпыт дьолугар көрөн, кэпсээнин истэн, олус диэн сөҕөн-махтайан, астынан аҕай кэллилэр.
«Автоледи» салайааччыта Николаева Александраҕа, нэһилиэкпит ветеран суоппарыгар Соловьев Валерийга «Көмүлүөк» түмсүү аатыттан махтаналлар.
Тэрээһини түмсүү салайааччыта Галина Соловьева иилээтэ-саҕалаата.
1 Хомустаахха быйылгы сезон аһыллыытыгар аналлаах кэнсиэргэ баран, көрөн да, кыттан да кэллилэр. «Дойдууна» уонна «Күбэйэ» ансаамбыл, салайааччы Нюргуяна Сысолятина, кыттыыны ыллылар.
Ону тэҥэ «Күбэйэ» ансаамбыл, салайааччы Нюргуяна Сысолятина, норуоттар икки ардыларынааҕы фестиваль «Огни талантов» куонкуруска Санкт-Петербург куоракка иккис истиэпэннээх лауреат буолан кэлбитин, хайдах сылдьыбыттарын «төгүрүк остуол» оҥородулар, бэлэх туттардылар.
Декадабыт маннык үөрүүлээхтик түмүктэннэ.
Полина Скрябина, Партизан