Ахсынньы 8 күнүгэр И.Е.Винокуров аатынан Хатыҥ-Арыытааҕы историяны уонна кыраайы үөрэтэр түмэлгэ Нам улууһунааҕы Ядрихинская Т.К. аатынан социальнай-геронтологическай киин дириэктэрэ Инна Иннокентьевна Сивцева, гериатр быраас Альбина Андреевна Дмитриева, психолог Валентина Эдуардовна Шелест Аппааны бөһүөлэгин аҕам саастаах олохтоохторугар «Активное долголетие» бырайыак чэрчитинэн «Здоровое долголетие» лекция аахтылар.
Уопсайа 13 киһи Альбина Дмитриева «Основы гериатрии», «Создание безопасной среды для пожилых граждан», Инна Сивцева «Деменция: симптомы, признаки и стадии болезни» лекцияларын иһиттилэр. Интэриэһиргиир боппуруостарыгар хоруйдары ыллылар. Старческай астенияҕа скрининг опрос оҥоһулунна.
Салҕыы Валентина Шест истээччилэргэ анаан нейробика — өй гимнастикатын ыытта. Хатыҥ- Арыы нэһилиэк дьаһалтатын сүрүннүүр исписэлииһэ Надежда Сивцева махтанан туран социальнай-геронтологическай киин дириэктэригэр Инна Сивцеваҕа Николай Гаврильев «Хатыҥ-Арыы нэһилиэгэ» киниигэтин бэлэх уунна.
Нэһилиэккэ маннык аналлаах исписэлиистэр кэлэннэр, декада чэрчитинэн нэһилиэктэринэн кэрийэ сылдьан бэсиэдэ ааҕалларын биһирииллэрин туһунан олохтоохтор эттилэр.
Надежда Сивцева