«Эрэл» лааҕыр музей базатыгар тэриллэн салайааччы Сардана Хамага кыыһа Харысхал 17 оҕону сынньалаҥнарын тэрийэр.
Хаһыс да сылын бу оҕолору кыра эрдэхтэриттэн илдьэ сылдьар. Оҕолоро улаатан көмө дьоно буоллулар. Кыра эрдэхтэриттэн нэһилиэктэрин таптыырга, харыстыырга, нэһилиэктэрин дьоннорунан киэн тутталларыгар салайааччылара үөрэтэр.
Быйыл соҕотох олорор пенсионердарга лууктаан үөртүлэр-көтүттүлэр. Анна Делигразовага уонна Николай Степановка ветераннарбыт үөрэн махтаннылар.
Велосипедынан эмтээх пыльца хомуйан кэлбиттэрэ. Үрүҥ Тунах Ыһыахпыт иннинэ аны пааркаҕа субуотунньукка көмөлөстүлэр.
Сатыы икки хоно Баишевтар дьиэ кэргэттэрин сылгы базатыгар тахсан киирдилэр, элбэҕи биллилэр, тулуурга үөрэннилэр, дуоһуйа айылҕаҕа сырыттылар.
Лааҕыр оҕолоро, салайааччылара Баишевтар дьиэ кэргэттэригэр махтаналлар.
Полина Скрябина