Бу да сырыыга намнар түмсүүлээхпитин көрдөрдүбүт

Бүгүн М.К. Аммосов аатынан культура дыбарыаһыгар Аҕа дойдубут интэриэһин
көмүскээн, байыаннай дьайыыга кытта сылдьар биир дойдулаахтарбытыгар күүс—көмө,
өйөбүл буолар «Биир санаанан – биир сомоҕо» акция ыытылынна.

Бу да сырыыга намнар түмсүүлээхпитин көрдөрдүбүт. Бүгүҥҥү акцияҕа барыта 4
мөл. 716 тыһ. 871 солк. 54 харчы үп киирдэ. Акцияҕа улууспут нэһилиэктэрин
баһылыктара, тэрилтэлэр салайааччылара, үтүө, баҕа санааларынан салайтаран дьиэ
кэргэттэр, аҕам саастаах ытык—мааны кырдьаҕастар, биирдиилээн дьон кэлэн, бары биир
санаанан кытыннылар, сэмэй кылааттарын киллэрдилэр.

Нам улууһун делегацията муус устар саҥатыгар бэһис төгүлүн уолаттары көрсө
байыаннай дьайыы буола турар сирдэринэн айанныыра былааннанар. Кинилэр төрөөбүт
дойдуларыттан тэлэһийэ, дойдубут туһугар ытык иэстэрин толоро сылдьар биир
дойдулаахтарбытыгар тирэх буолан, наадалаах анал тэриллэри, туттуллар табаардары
атыылаһан, хомуллубут дойдубут аһын—үөлүн, этин, арчылыыр, араҥаччылыыр
харысхаллары тиэрдиэхтэрэ, санааларын көтөҕөн истиҥник кэпсэтиэхтэрэ,
ахтылҕаннарын мүлүрүтүөхтэрэ.

Бары Кыайыы кэлэригэр эрэнэбит!