Хатыҥ Арыы нэһилиэгин «Сыдьаайа» иистэнэр сыаҕа Ростов куоракка госпитальга сытар саха байыастарыгар 108 устуука вещмешок тиктилэр.
Намнааҕы уйулҕа киинин педагог-психолога, волонтер Нюргуяна Михайловна Аргунова көрдөһүүтүнэн, Ростовка госпитальга эмтэнэ сытар саха уолаттарыгар анаан вещмешок тигилиннэ. Ростов куоракка Вера Петровна Душкевич саха волонтердарын салайар. Вещмешогу Хатыҥ Арыылар 108, Бөтүҥнэр 50, Намтан Олоҥхо дьиэтэ 50 устууканы тигиэхтэрэ.
«Сыдьаайа» иистэнэр сыаҕа Дария Мальцева салайыытынан номнуо үһүс сылын анал байыаннай дьайыыга сылдьар уолаттарга анаан иистэнэ олороллор. Нюргуяна Михайловна ыҥырыытын ылынан Дария Мальцева, Мария Кривошапкина, Валентина Сивцева, Галина Суханова, Раиса Уваровская буолан 108 устуука вещмешок тигэн туттардылар.
Надежда Сивцева