Ыам ыйын 13 күнүгэр Хатыҥ Арыы нэһилиэгэр сааскы халаан уутун сэрэтии үлэ чэрчитинэн бастакы протока дамбатын бөҕөргөтүү үлэтэ барда.
Дамба үрдүгэр кумахтаах кууллары уурдулар. Субуотунньугу нэһилиэк баһылыга Иван Ноговицын салайда. Уопсайа субуотунньукка 65 эр киһи кытынна.
Намнааҕы техникум коллективыгар уонна устудьуоннарыгар баһылык көмөлөрүн иһин махталын тиэрдэр.
Субуотунньукка нэһилиэк тэрилтэлэрэ, олохтоохтор көхтөөхтүк кытыннылар.
Надежда Сивцева