Хатыҥ Арыы нэһилиэгин баһылыга Иван Ноговицын иһитиннэрбитинэн, Кыһыл Дэриэбинэ өттүгэр дамба бөҕөргөтүүтүгэр Хабаровскайтан кэлбит МЧС-тар, ДНД-лар, нэһилиэк тэрилтэлэрин эр дьоно үлэлии сылдьаллар.
Нэһилиэк куратора Владимир Иванович Макаров, улуус салалтата күүскэ үлэлэһэ сылдьаллар.
Уу таһыма 11ч 30 м. Граф Биэрэгин гидропоһа иһитиннэрбитинэн, түөрт чаас иһигэр 22 см эбиллибит, 990 см буолбут, хойуу муус устубакка турар.
Өрүскэ уу таһыма үрдүү турарынан олохтоохтор сылгыларын, сүөһүлэрин таһаарбаттарыгар ыҥыраллар.
Нэһилиэнньэҕэ эвакуация биллэрилиннэҕинэ 4 техника, 2 устар кыра уйуктаах суднолар үлэлиэхтэрэ. Граф Биэрэгин олохтоохторугар 100 % халаан уутуттан сэрэтэр сурук туттарыллыбыт. Аппааны сэлиэнньэтигэр КСК спорт саалатыгар баар ПВР дьону киллэрэргэ бэлэм турар.
ХЭТ «Быйаҥ» тэрилтэтиттэн 2 погрузчик, 1 экскаватор, 3 грузовой массыына, нэһилиэк дьаһалтатыттан 1 МТЗ 82 трактор дьуһуурустубалыыр. Нэһилиэк дьаһалтатыгар төгүрүк суукка дьуһуурустуба баар.
Евгений Жирков иһитиннэрбитинэн, билигин кунус 1 чааһы ааһыыта Юбилейнай муостаҕа Кыһыл Дэриэбинэ анныгар күүстээх үлэ бара турар. Ол курдук, 5 трактор, 2 погрузчик, 1 беларусь, 1 отваллаах беларусь, Хабаровскайтан кэлбит ГУ МЧС-тан биир камаз, 9 үлэһит, уопсайа субуотунньукка 63 киһи баар. Билигин ИП Соловьев В.И. икки улахан массыыната көмөҕө иһэллэр. Үлэ күүскэ оргуйа турар.
Нэһилиэкпит олохтоохторун сэрэхтээхтик олороргутугар, намыһах сиргэ олорооччулар баайгытын-дуолгутун өрө тардынаргытыгар ыҥырабыт. Кэтэх хаһаайыстыбаҕытын мэччитэ ыыппаккытыгар.
Надежда Сивцева