Муус устар 30 күнүгэр эйэ, үлэ, саас бырааһынньыгын көрсө, Хатыҥ Арыы нэһилиэгин эр дьоно мас кэрдэ субуотунньукка таҕыстылар.
Субуотунньукка нэһилиэк дьаһалтата, МАУ «Спектр», спорт отдела, тэрилтэлэр, тэриллиилээх кэтэх хаһаайыстыбалар уонна нэһилиэк олохтоохторо кытыннылар. Субуотунньукка 20 киһи сырытта, Василий Петров, Александр Носков, Дмитрий Лыткин, Степан Бочиров трактордарынан тахсан көмөлөстүлэр. Уопсайа 30 куб мас кэрдилиннэ. Кэрдиллибит мастар ПВС ремонугар, ходуһа күрүөтүн ремонугар туттуллуоҕа. Кыайан субуотунньукка тахсыбатах нэһилиэк олохтоохторо, күрүө ремонугар көмөлөһөллөрүн биллэрдилэр.
Куруутун үлэҕэ көхтөөх, түмсүүлээх нэһилиэкпит эр дьонугар махтанабыт.
Надежда Сивцева