Нам оройуонун оперативнай штаб көҕүлээһининэн анал байыаннай дьайыыга сылдьар биир дойдулаахтарбытыгар уонна кинилэр дьиэ кэргэттэригэр анаан ынах уонна убаһа этин хомуйуу аһымал акцията саҕаланна.
Бастакынан акцияҕа Аппааны сэлиэнньэтин «Саһарҕа» түөлбэттэн Любовь Максимова уонна Акулина Охлопкова нэһилиэк олохтоох дьаһалтатыгар эт аҕалан туттардылар. «Саһарҕа» түөлбэ салайааччыта Любовь Дмитриевна Максимова уола Вячеслав анал байыаннай дьайыыга ытык иэһин толорон сэриилэһэ сылдьар. Уолаттарбыт дойдуларыттан астанан кэлбит минньигэс эти амсайан, күүс-уох ылыныахтара диэн эрэнэбит.
Нэһилиэкпит олохтоохторун кулун тутар 1 күнүгэр диэри акцияҕа көхтөөхтүк кыттаргытыгар ыҥырабыт!
Надежда Сивцева