«Күн эгэлгэ» коллекционердара араас тэрээһиннэргэ үөрэ-көтө кытталлар.
Ураты коллекциялаах Анна Захаровна Заровняева «Саха республикатын культуратын туйгуна», өр кэмҥэ баяниһынан үлэлээбитэ, ырыа айааччы быһыытынан билэбит.
Сөбүлүүр идэтэ кини музыкальнай инструменнаах статуэткалары мунньууга сирдээбитэ. Аҕыйах сыллааҕыта Хамаҕатта «Түһүлгэ» киинигэр улахан быыстапканы туруорбута, сэҥээриини ылбыта.
Муусука күнүн көрсө «Тускул» уһуйаан библиотекатыгар быыстапка туруорда.
Кырачааннар иитээччилэрин кытта көрүөхтэрэ, муусука инструменнарын билсиэхтэрэ.
Баҕардар хойутун ким эрэ коллекционер буолуо.
Маргарита Охлопкова, «Күн эгэлгэ » түмсүү салайааччыта