Кыһыл Дэриэбинэ “Сайдыы” култуура дьиэтигэр Улуу Кыайыы 80 сылын көрсө «Песни Победы” түөлбэлэр икки ардыларыгар күрэх ыытылынна. Сэттэ түөлбэттэн күрэххэ биэс түөлбэ кыттыыны ылла. Култуура дьиэтин сэбиэдиссэйэ Айталина Винокурова күрэҕи үөрүүлээхтик арыйда. Дьүүллүүр сүбэ бэрэссэдээтэлинэн З.П.Винокуров аатынан оҕо искусствотын Хатыҥ Арыытааҕы филиалын преподователэ Валентина Михайловна Сивцева, “Чороон” норуот айымньытын киинин исписэлииһэ Горьяна Максимовна Стрекаловская, “Самородок” култуура дьиэтин исписэлииһэ Виктория Петровна Охлопкова үлэлээтилэр. Балаһыанньа быһыытынан хас биирдии түөлбэттэн иккилии нүөмэр, о.э. соло уонна трио, квартет толоруута киирэр. Жеребьевка түмүгүнэн бастакынан Аппааны бөһүөлэгин “Виктория” түөлбэ (сал.Максимова Т.М.) Марианна Рожина, Ангелина Максимова, Артур Неустроев трио толоруутугар “Кыайыы”, Андрей Слепцов толоруутугар “Бухенвальский вальс” ырыаны толордулар. “Чэчир” түөлбэ (сал. Винокурова М.В.) Александра Колесова “Туруйалар”, Леонид Чупров кыыһынаан Лейлалыын «Хайыһар» ырыатын толордулар. Кыһыл Дэриэбинэттэн “Сандаара” түөлбэттэн (сал.Платонова А.Р.) Дмитрий Кривошапкин “Кыайыы ордена”, дуэт толоруутугар Валентина Аммосова кыыһынаан Амалиялыын “Катюша” ырыаны, Граф Биэрэгиттэн “Восход” түөлбэ (сал. Алексеева А.Б.) “Дети солнца” квартета “Катюша”, Артур Колпашников “Нам нужна одна Победа” ырыаны толордулар.“Саһарҕа” түөлбэттэн (сал. Максимова Л.Д.) Андрей Лукин “Мин мантан сэриигэ барбытым”, Степан Колосов, Андрей Лукин дуэт толоруутугар “Хайыһар” ырыаны өрө күүрүлээхтик ыллаатылар.
Дьүүллүүр сүбэ быһаарыытынан 1 миэстэни – “ Сандаара” түөлбэ, 2 миэстэни – “ Виктория” түөлбэ, 3 миэстэни- “Саһарҕа” түөлбэ, 4 миэстэни – “Восход” түөлбэ, 5 миэстэни “ Чэчир” түөлбэ ылла.
Түөлбэлэр икки ардыларыгар сыллата ыытыллар күрэххэ, түөлбэ олохтоохторо көхтөөхтүк кытталлар, кыайыы күнүн көрсөргө бэлэмнэнэллэр.
Надежда Сивцева