Улуу Кыайыы 80 сылынан, Россияҕа Аҕа дойдуну көмүскээччи, Саха сиригэр Ийэ дойдуну көмүскээччи, Нам улууһугар Кыайыы сылларынан Намнааҕы оҕо модельнай библиотекатын көҕүлээһининэн, «Уоланнар ааҕыылара» куонкурус улууска 13-с, өрөспүүбүлүкэҕэ 3-с төгүлүн ыытылынна.
Быйылгы өрөспүүбүлүкэтээҕи күрэх «Өйдүүбүт. Киэн туттабыт. Сүгүрүйэбит!» Аҕа дойду Улуу сэриитигэр олохторун толук уурбут дьоммутун-сэргэбитин кэриэстээн, сүгүрүйэн туран Улуу Кыайыы 80 сылыгар ананна.
«Уоланнар ааҕыылара» күрэх бастакы түһүмэҕэ куйаар ситиминэн олунньу 12-18 күннэригэр ыытыллыбыта, ааҕыыга Уус Дьааҥы, Бүлүү, Ньурба, Мэҥэ Хаҥалас, Хаҥалас, Нам улуустарыттан, Дьокуускайтан – уопсайа 202 уол кыттыыны ылла.
Биирдиилээн уонна коллективынан үлэлэр киирбиттэринэн күрэх дьүүллүүр сүбэтэ көрөммүт сыаналаатыбыт. Бүгүн, олунньу 28 күнүгэр, М.К. Аммосов аатынан култуура уонна духуобунай сайдыы дыбарыаһыгар миэстэлэспит уһуйаан иитиллээччилэрэ уонна оскуола үөрэнээччилэрэ кэлэннэр хоһооннорун аахтылар, литературнай дьүһүйүүлэрин көрдөрдүлэр. Ол курдук, өрөспүүбүлүкэтээҕи 3-с төгүлүн ыытыллыбыт «Өйдүүбүт. Киэҥ туттабыт. Сүгүрүйэбит!» уоланнар ааҕыыларын күрэҕин түмүгэ:
Кыра бөлөх: уһуйаан иитиллээччилэрэ уонна бастакы кылаас оҕолоро
3 миэстэ – Намнааҕы «Сулусчаан» уһуйаан иитиллээччилэрэ; А.А. Пахомов аатынан Тиэлиги орто оскуолатын 1 кылаас үөрэнээччилэрэ, Мэҥэ-Хаҥалас улууһа.
2 миэстэ — Аппаанытааҕы «Cандаара» уһуйаан иитиллээччилэрэ; «Сандаара» иккис бөлөҕө.
1 миэстэ — Семенов Сахамин, Чинэкэ нэһилиэгин “Сулусчаан” оҕо уһуйаана, Бүлүү улууһа.
Орто бөлөххө (2 кылаастан – 5-с кылаас үөрэнээччиэрэ)
3 миэстэ — 4 “А” кыл. «Күндүл» кыра бөлөҕө И.С. Гаврильев аат. Намнааҕы 1-кы №-дээх орто оскуола; Н.И. Шарин аат. Дьокуускай 39 №-дээх орто оскуолатын 2-с кыл. уолаттара; «Бэтиэхэлэр» театр, М.С. Иванов – Багдарыын Сүлбэ аат. Ньурбачааннаҕы орто оскуола, Ньурба улууһа.
2 миэстэ – Е.П. Сивцев аат. 2 Хомустаах орто оскуола 2-с кыл. үөрэнээччилэрэ; Дьокуускайдааҕы сaxa политехничсекай лицей 3-с «в» кыл. уолаттара.
1 миэстэ — И.Д. Винокуров – Чаҕылҕан аат. Нам алын сүһүөх оскуолатын 4-с кылааһа
Гран при — М.Е. Охлопкова аат. Түбэ орто оскуолатын 4-с кыл. уолаттара.
Улахан бөлөх оҕолоругар (6-с – 11-с кылаастар)
3 миэстэ — Казаков Алексей, Семен Аржаков аат. Бүлүү орто оскуолатын 7-с кыл. үөрэнээччитэ; Нам 2-с №-дээх орто оскуолатын 7-с «б» кыл. уолаттара.
2 миэстэ — «Чаҕылыс» бөлөх, И.Е. Винокуров аат. Хатыҥ Арыы орто оскуолатын 5-6 кыл. уолаттара; И.С. Гаврильев аат. Нам 1-кы №-дээх орто оскуола 5-с кыл. бөлөҕө.
1 миэстэ — Арбын орто оскуолатын 5-11 кыл. уолаттара.
Гран При — В.П. Артамонов аат. Хамаҕатта саха-француз лицей 8-с «а» кыл. үөрэнээччилэрэ.
Улуу Кыайыы 80 сылынан салайааччылар иитиллээччилэргэ, үөрэнээччилэргэ Аҕа Дойду улуу сэриитин кэминээҕи хоһооннору үөрэтэн кыттыыны ыллылар. Мантан Ийэ дойдуга бэриниилээх буолуу саҕыллар. Бэлиэтээн эттэххэ, И.Д. Винокуров-Чаҕылҕан аатынан Нам алын сүһүөх оскуолатын 4 кылааһын уолаттара оскуолаларыгар үлэлээбит сэрии, тыыл, үлэ бэтэрээннэрин, сэрии кэмин оҕолорун туһунан билиһиннэрдилэр, кинилэр хоһоонноруттан аахтылар. Бэйэлэрэ да элбэҕи билбит буолуохтаахтар. Түбэ оскуолатын үөрэнээччилэрэ Сахамин Бетюнскай, Ким Попов, Айысхан Сивцев Тимофей Сметанин «Саллаат сүрэҕэ» хоһоонун олус ис хоһоонноохтук, иэйиилээхтик аахтылар. Ити курдук, бары даҕаны кыһаллан, таҥас-сап бэлэмнэнэн кыттыбыттара кэрэхсэттэ.
Семен Аргунов