Бүгүн, балаҕан ыйын 5 күнүгэр, Нам улууһун киинигэр Нам с. Саха сирин биллиилээх государственнай деятелэ, Нам оройуонугар ССКП райкомун бастакы секретарынан үлэлээбит Степан Платонов мемориальнай дуоскатын үөрүүлээх аһыллыыта буолла. Бу үөрүүлээх тэрээһин бочуоттаах ыалдьыттарынан Степан Платонов сиэннэрэ Юлия Зинкова, эһэтин аатын ылбыт сиэнэ Степан Платонов кэргэнинээн Светланалыын, Үөһээ Бүлүү Балаҕаннаах нэһилиэгин баһылыга Степан Дмитриев.
Эҕэрдэ тылы эттилэр: Нам улууһун баһылыгын солбуйааччы Егор Протопопов, “Ленскэй нэһилиэк” ТСТ баһылыгын солбуйааччы Тимофей Охлопков, Үөһээ Бүлүү Балаҕаннаах нэһилиэгин баһылыга Степан Дмитриев, Степан Николаевич сиэннэрэ Юлия Зинкова, Степан Платонов, Степан Платонов аатынан уулусса олорор, П.П. Ядрихинскай-Бэдьээлэ аатынан Олоӈхо Дьиэтин салайааччытв Вера Колпашникова, бу уулуссаҕа 59 сыл устата олорбут Маргарита Романовна, Эдуард Иннокентьевич Мордосовтар, Степан Платонов биир дойдулааҕа, үрдүк салайар дуоһунаска үлэлээбит, СӨ норуотун хаһаайыстыбатын үтүөлээх үлэһитэ Николай Донской.
Кинилэр Степан Николаевич Платонов эппиэттээх улахан дуоһунаска үлэлии сылдьан Саха сирин, Нам улууһа социальнай-экономическай сайдыытыгар, олох-дьаһах тупсарыгар, тыа хаһаайыстыбата сүһүөҕэр туруутугар сүҥкэн кылаатын бэлиэтээтилэр. Нам улууһун олохтоохторо кинини үтүөтүк ахта-саныы сылдьалларын эттилэр. С.Н. платонов үбүлүөйдээх 100 сааһыгар кини туһунан кинигэ Майя Власьева редактордаах бэчээккэ бэлэмнэниллэрин уонна бу үөрүүлээх тэрээһин кинигэҕэ эмиэ сырдатылларын иһитиннэрдилэр.
Мемориальнай дуоска бүрүөһүнүн Нам улууһун баһылыгын солбуйааччы Егор Протопопов, Үөһээ Бүлүү Балаҕаннаах нэһилиэгин баһылыга Степан Дмитриев, сиэннэрэ Юлия Зинкова, Степан Платонов арыйдылар.
Үөрүүлээх тэрээһин уопсай хаартыскаҕа түһүүнэн түмүктэннэ.
Касьян Олесов-Олук
Дарина Константинова