Балаҕан ыйын 25-26 күннэригэр Дьокуускайга «ПАТРИОТ» МЦ актовай саалатыгар Намнааҕы техникум 15 устудьуона өрөспүүбүлүкэтээҕи «Бастакы Винокуровскай форум 2026 с.: патриотизм уонна сырдатыы, Саха сирин чулуу государственнай уонна политическай деятель И.Е. Винокуров төрөөбүтэ 130 сылыгар аналлаах» форумҥа кыттыстылар.
Икки күн устата оҕолор холбоһуктаах хамаандалар састааптарыгар И.Е. Винокуров олоҕун уонна биографиятын сырдатар, тарҕатар проектары оҥорон көмүскээтилэр. «МОСР 26-9» бөлөх студена Владимир Ефимов «Наследие будущего» хамаанда чилиэнэ проектар конкурстарын кыайыылааҕа буолла. Өрөспүүбүлүкэтээҕи форумҥа кыттыы түмүгэр студеннар эбии билиини уонна практическай опыт ыллылар, үөрэхтэрин кыһатыгар салгыы проектары оҥорорго көҕүлэннилэр.
Бэйэ информ.